स्वगत-२ (अनुवाद)

जीवलगा,
एखादं दुफळी माजलेलं राज्य किती दिवस तग धरू शकेल?
द्विधा मनाने मी किती दिवस जगू शकेन? कशाविषयी?
तुझ्याविषयीच, माझं तुझ्यावर प्रेम आहे ह्या विचारांमुळेच मला थोडी स्वस्थता वाटते पण..
पण ही स्वस्थता मिळायची कशी ?
प्रबळ दावेदार शक्तींमध्ये सतत चाललेला संघर्ष असा आहे की त्याच एका मनाचं कसं दृढ आणि खोलवर
प्रेम आहे हे ते मन दुसरया मनाला पटवून देते आणि दुसरयाच क्षणी दुसरं मन पण तेच कार्य करायला सुरुवात करतं.
हा लढा बाहेरचा असता तर मला तसूभर ही चिंता वाटली नसती. जर दुसरया कुणी तुझ्यावर प्रेम करायची हिम्मत केली असती तर
किंवा केली नसती तर; दोन्ही गुन्हे सारखेच नाहीत काय? पण हा अंतर्मनातील संघर्ष मलाच कणाकणाने भस्मसात करतो आहे
आणि ह्या द्विधा मनःस्थितीने मी खचून चाललो आहे.
तुझाच.